同你吟一吟
大劉放心湊女
2012年10月11日隔籬安雅五個月肚肥到呢，體形幾乎同下個月生得嘅甘比差唔多。上星期六（六日）大劉劉鑾雄舉家去福臨門食晏，將近臨盆，甘比同有咗初期一樣謹慎，出街著平底鞋。
當日出席家庭聚會嘅除咗大劉媽咪同妹妹之外，細佬劉鑾鴻亦有一齊，有人分擔照顧媽咪重任，大劉放心湊住寶貝女劉秀樺，同甘比、甘比媽一齊，坐埋上「 I MISS U」牌七人車返屋企。
涉賄賂澳門前運輸工務司司長歐文龍案，案件上月中開審，因為法官病咗，要押後到明年一月先再審，大劉可以暫時放低官司，陪甘比生仔坐月，隨時擺埋百日宴都仲可以。 Well，呢位澳門法官病得著時，大劉該 say thx！
